Í Vikunni með Gísla Marteini á föstudagskvöld sagði Íris Róbertsdóttir, bæjarstjóri í Vestmannaeyjum, frá reynslu sinni af Donald Trump. Hún var gestur í þættinum ásamt Jóni Gnarr og Vigdísi Hrefnu Pálsdóttur.
Íris lýsti því hvernig hún var í Bandaríkjunum fyrir mörgum árum í fylgd vinkonu sinnar. „Við vorum þarna, ungar stúlkur, þegar maður kom að okkur og sagði að hann væri lífvörður Trump. Þá sáum við manninn, með sömu hárgreiðsluna og hann er með í dag, standa þar,“ sagði Íris.
Hún sagði frá því að lífvörðurinn bauð þeim að hitta Trump, sem þær höfnuðu. Einnig bauð hann þeim að borða með Trump, en þær neituðu því einnig. Þær samþykktu hins vegar að láta taka mynd af sér með Trump.
„Sú mynd er ekki til dreifingar,“ bætti Íris við.
Horfðu á brot úr þættinum í Spilara RÚV.
