Donald Trump, forseti Bandaríkjanna, fer í dag í sína aðra læknisskoðun á þessu ári. Hann, sem er elsti kjörni forseti í sögu landsins, lýsir því að hann sé í frábæru formi.
Áður en Trump fer í skoðunina mun hann ávarpa hermenn á Walter Reed hersjúkrahúsinu í úthverfi Washington. Þessi skoðun fer fram þremur mánuðum eftir að Hvíta húsið tilkynnti að hann hefði greinst með æðasjúkdóm. Greiningin kom í kjölfar vangaveltna um tímabundin marbletti á hendi hans og bólginn fótlegg.
Hvíta húsið hefur staðfest að skoðunin sé árleg, þrátt fyrir að Trump hafi þegar farið í slíkri skoðun í apríl. Í samtali við fréttamenn í forsetaþotu sinni sagði Trump að hann hygðist fara í eins konar hálfs árs skoðun. „Ég er í frábæru formi, en ég læt ykkur vita. En nei, ég á ekki í neinum vandræðum enn sem komið er. Líkamlega líður mér mjög vel. Andlega líður mér mjög vel,“ sagði Trump.
