Íslenska landsliðsþjálfarinn Arnar Gunnlaugsson viðurkenndi eftir leikinn gegn Úkraínu í D-riðli undankeppni HM að það sé auðvelt að vera vitur eftir á. Leiknum lauk með 5:3 sigri Úkraínu á Laugardalsvelli í gær.
Í fyrri hálfleik fengu Íslendingar á sig tvö mörk á tveggja mínútna fresti, og í síðari hálfleik endurtók sagan sig þegar Úkraína skoraði fjórða markið á 85. mínútu, áður en þeir bættu við fimmta markinu þremur mínútum síðar.
Arnar var spurður um það á blaðamannafundinum hvort hann gæti séð eftir því að hafa ekki valið leikmenn eins og Gylfa Þór Sigurðsson og Jóhann Berg Guðmundsson í hópinn, þar sem reynsla þeirra hefði mögulega nýst liðinu í þessari stöðu, sérstaklega þegar staðan var 3:3.
„Þú varst ungur einhvern tíma og manst hvernig sú tilfinning var,“ sagði Arnar og brosti við blaðamanninum. „Við viljum ekki drepa ákefðina í þessum ungu strákum. Þeir voru fullir af adrenalíni og fundu fyrir því að þeir væru að fara að vinna leikinn á þessum tímapunkti.“
Hann bætti við að adrenalínið geti breyst í einni sekúndu, og að mörkin sem þeir fengu á sig væru auðveld að laga. „Þeir sundurspiluðu okkur aldrei í þessum leik og þetta er eitthvað sem lærist eftir því sem leikirnir verða fleiri og afmælin fleiri,“ sagði Arnar.
