Taliban stjórnin í Afganistan gerði árásir á landamærastoðvar Pakistans í gærkveldi. Þessar árásir voru sagðar vera svör við brotum Pakistans á landamærahelgi og lofthelgi Afganistans að undanförnu.
Fyrir stuttu hafa Afganir sakað Pakistan um að framkvæma sprengjuárásir á Kabul, höfuðborg Afganistans, og á markað í austurhluta landsins. Pakistan hefur ekki lýst yfir ábyrgð á þessum árásum.
Varnarmálaráðuneyti Afganistans sagði í yfirlýsingu um árásirnar á sunnudagsmorgun að ef andstæðingurinn bryti aftur á landamærahelgi Afganistans væri herafli þeirra reiðubúinn til að verja landamæri þjóðarinnar og myndi svara af fullum krafti.
Fréttastofan AP hafði eftir nafnlausum heimildarmanni innan pakistönsku öryggisþjónustunnar að ein manneskja hefði farist og önnur særst þegar sprengikúla úr fallbyssu Afganista lenti í þorpinu Tiri í Kurram-sýslu.
Innanríkisráðherra Pakistans, Mohsin Naqvi, lýsti árásum Afganista sem tilefnislausum og sagði að Pakistan myndi „svara hverjum múrsteini með grjóthnullungi“. Hann bætti við að „Afganistan er að leika sér að eldi og blóði“.
Samband Afganistans og Pakistans hefur stirðnað að undanförnu vegna ásakana Pakistans um að Afganistan leyfi pakistönskum armi Talibanahreyfingarinnar að starfa innan landamæra sinna og skipuleggja hryðjuverk á pakistanskri grundu.
