Guðmundur Benediktsson, einn af vinsælustu íþróttalýsendum landsins, ræddi um það í vikunni með Gísla Marteini á RÚV hvernig það er að lýsa leikjum þar sem sonur hans, Albert Guðmundsson, er að spila. Albert er talinn einn af bestu landsliðsmönnum Íslands í dag.
Í viðtalinu kom fram að Guðmundur finni fyrir miklum tilfinningum þegar hann lýsir leikjum sonar síns. „Ég veit ekki hvernig þú ferð að þessu. Ef ég væri að lýsa leik þar sem sonur minn væri að standa sig svona væri ég grátandi,“ sagði Baltasar Kormákur í viðtalinu, þar sem Albert skoraði tvö mörk í leik gegn Úkraínu.
Guðmundur viðurkenndi að það sé erfitt að aðgreina hlutverk föðurins frá hlutverki lýsandans. „Ég þarf að gera það. Það er alveg erfitt stundum. En ég held að ég dragi frekar úr, held það bitni meira á honum að vera sonur minn. Ég ætlast til meira af honum,“ sagði Guðmundur og hló.
Hann var spurður hvort hann þegi jafnvel þegar Albert sé með boltann og svaraði: „Nema þegar hann skorar.“ Þó að Ísland hafi tapað leiknum gegn Úkraínu 3-5, fær liðið tækifæri til að rétta sinn hlut gegn Frökkum í kvöld.
