Í dag, 15. október, var opnuð samraðsgátt fyrir tillögur að breytingum á náms- og starfsumhverfi leiksóla í Reykjavík. Í þessari gátt er tekið við ábendingum og tillögum um breytingar næstu tvær vikur, þar til 29. október.
Tillögurnar snúa að breytingum á dvalartíma barna, breyttu skipulagi og nýrri gjaldskrá. Meðal þess sem lagt er til er að felldir verði niður allir afsláttarflokkar nema starfsmanna- og systkinaafsláttur. Í staðinn er fyrirhugað að umbuna foreldrum sem sækja börn sín fyrr, auk þess sem þeir geta fengið felldan niður heilan mánuð af leikskólagjöldum ef börn nýta ekki vistun á skráningardögum, svo sem milli jóla og nýárs, í dymbilviku og vetrarfríi grunnskóla.
Í samraðsgáttinni geta borgarbúar sent inn ábendingar, lagt til breytingar og deilt skoðun sinni á tillögunum, sem veitir þeim tækifæri til að taka þátt í mótun náms- og starfsumhverfis í leiksólum borgarinnar.
Samkvæmt tilkynningu á vef Reykjavíkurborgar felast helstu breytingarnar í fyrirsjáanleika skráningardaga og nýrri gjaldskrá, sem mun hvetja til þess að dvalartími barna sé sem næst 38 stundum á viku, í meira samræmi við vinnu foreldra þeirra. Einnig er gert ráð fyrir 25 prósenta afslætti af námsgjaldinu ef börn eru ekki skráð eftir klukkan 14:00 á föstudögum.
Tillögurnar hafa verið umdeildar og hefur Hildur Björnsdóttir, oddviti Sjálfstæðisflokksins, bent á að leikskólagjöld í Reykjavík verði þau hæstu á höfuðborgarsvæðinu fyrir foreldra sem njóta ekki niðurgreiðslna. Hún skrifaði á Facebook-síðu sinni að breytingarnar myndu leggja byrðar á vinnandi foreldra og fela í sér margvíslegar breytingar sem munu þyngja fjölskyldur.
