Gennaro Gattuso, landsliðsþjálfari Ítalíu, hefur lýst því yfir að hann sé viss um að liðið sé á réttri leið undir sinni stjórn. Hins vegar hefur hann einnig sagt að hann muni aðeins taka við hrósi ef liðið nær að komast á HM. „Ef ekki þá mun ég flytja langt frá Ítalíu,“ sagði Gattuso.
Í gær tryggði Ítalía sér a.m.k. umspilssæti með sigri gegn Ísrael, þar sem liðið vann 3-0. Gattuso sagði: „Ég tek við hrósi ef ég næ markmiðinu. Það er draumur að vera í þessu starfi og því fylgir mikil ábyrgð. Við leggjum á okkur mikla vinnu og sofum lítið en gerum þetta til að fá sigurtilfinninguna.“
Noregur er á toppi riðilsins, og markatala liðsins er það góð að Ítalía á næstum engan möguleika á að ná efsta sætinu og komast beint á HM.
