Harry Kane átti frábæran leik þegar Bayern sigraði Dortmund í þýsku deildinni í gær. Leikurinn var mikilvægur toppslagur þar sem Kane var stillt upp fyrir aftan Nicolas Jackson. Hann sýndi mikla vinnusemi um allan völlinn.
Kane skoraði fyrra mark leiksins og tók þátt í sókninni sem leiddi að öðru marki, sem Michael Olise skoraði, í 2-1 sigri Bayern.
„Ég var í sexunni, áttunni og tíunni,“ sagði Kane á léttum nótum eftir leikinn. „Ég nýt þess. Fólk er vant því að sjá mig upp á topp og að skora mörk, en ég get tekið meiri þátt svona. Ég komst á blað í dag, sem er gaman, en þetta snerist meira um að verjast og vinna seinni bolta.“
Þetta sigurmark er mikilvægt fyrir Bayern í baráttunni um titilinn í deildinni og staðfestir stöðu liðsins sem eitt af sterkustu í Þýskalandi.
