Harley Pearce, sonur enska knattspyrnuhetjunnar Stuart Pearce, lést í harmrænu slysi þegar hann missti stjórn á dráttarvél á sveitavegi í Wiltshire í síðustu viku. Slysið átti sér stað á A417-vegnum við Witcombe á fimmtudag um klukkan 14:30, samkvæmt upplýsingum frá lögreglunni í Gloucestershire.
Þar er talin ástæða að sprungið dekk hafi valdið því að dráttarvélin fór útaf veginum. Harley, sem var 21 árs, lést á vettvangi slyssins. Foreldrar hans, Stuart Pearce og fyrrverandi eiginkona hans, Liz Pearce, hafa verið upplýstir um atburðinn og fá stuðning frá sérfræðingum lögreglunnar.
Harley var yngra barn Stuart Pearce og Liz Pearce, en þau eiga einnig dótturina Chelsea, sem keppir í hestaiþróttum og hefur tekið þátt í þremur Evrópumeistaramótum fyrir hönd Bretlands. Harley rak eigið fyrirtæki, Harley Pearce Agricultural Service, og sinnti verkefnum á bæjum á landamærum Wiltshire og Gloucestershire.
Stuart Pearce, sem hlaut MBE-orðu árið 1999 fyrir feril sinn og góðgerðarstarf, lék 78 landsleiki fyrir England og hefur starfað sem álitgjafi hjá Talksport síðustu árin.
