Árbæjarskóli og Fellaskóli hafa tryggt sér sæti í úrslitum Skrekks 2025, eftir að hafa staðið sig vel í öðru undankvöldinu sem fór fram í Borgarleikhúsinu í gærkvöldi. Fellaskóli kynnti atriðið „Þrýstingsbylgja“ og Árbæjarskóli flutti verkið „5:00“.
Í heildina tóku níu grunnskólar frá Reykjavík þátt í sýningunni, þar sem hver skóli sýndi eigin listir. Atriði Fellaskóla fjallaði um unga einstaklinga sem glíma við mikla pressu frá samfélaginu og fólkinu í kringum sig. Kvíðinn hefur áhrif á sjálfstraust þeirra, en í gegnum verkið reyna þau að sýna að einstaklingar geta staðið á eigin fótum og að ekki sé nauðsynlegt að láta óttann stýra lífi sínu, heldur að hlusta á sitt eigið hjarta.
Atriði Árbæjarskóla var um hóp fólks sem stendur frammi fyrir sprengju, sem táknar kvíða sem hver og einn getur upplifað. Sprengingin reynist vera gleðisprengja og skilaboðin eru skýr: Ekki búast við því versta, því það sem við kvíðum fyrir er oft ekki eins slæmt og við óttumst.
Á morgun fer fram þriðja og síðasta undankvöldið, þar sem ákveðið verður hvaða skólar komast áfram í úrslitin sem verða sýnd í beinni útsendingu á RÚV þann 10. nóvember. Einnig verður hægt að fylgjast með baksviðs á Instagram-aðgangi UngRÚV.
