Níu manns hafa látið lífið eftir að flutningaflugvél bandaríska flutningafyrirtækisins UPS hrapaði í Kentucky í gærkveldi. Ríkisstjóri Kentucky, Andy Beshear, hefur lýst áhyggjum af því að talan gæti hækkað.
Flugvélin, McDonnell Douglas MD-11, var á leið til Honolulu í Havai um klukkan 17.15 að staðartíma, eða 22.15 að íslenskum tíma. Þrír voru um borð í vélinni. UPS hefur ekki staðfest hvort þeir sem voru í vélinni hafi látið lífið eða slasast.
Leitar- og björgunarstarf er í fullum gangi, þar sem enn er leitað að fólki eftir slysið. Orsök slyssins er enn til rannsóknar, en myndir frá flugslysinu benda til þess að eldur hafi verið í vinstri hreyfli vélarinnar þegar hún tók á loft.
