Í morgun kom forseti Íslands, Halla Tómasdóttir, ásamt eiginmanni sínum Björn, að Elliðaám í Reykjavík. Þar tók hún á móti Neyðarkallinum 2025. Að þessu sinni var það öflugur straumvatnsbjörgunarhópur sem flutti Neyðarkallinn yfir straumvatnið og afhenti forseta.
Við þetta tækifæri ítrekaði Halla mikilvægi sjálfboðaliðastarfs Slysavarnafélagsins Landsbjargar fyrir samfélagið og vonaðist til þess að vel yrði tekið á móti sölu fólki. Neyðarkallinn fer nú fram í hlutverki straumvatnsbjörgunarmanns og þannig heiðrum við minningu góðs félaga, Sigurðar Kristófers McQuillan Óskarssonar, sem lést í harmlegu slysi við æfingar í straumvatni, fyrir rétt um ári síðan.
Þetta var gert í góðu samráði við fjölskyldu Sigurðar og björgunarsveitina Kyndil, þar sem hann veitti formennsku. Neyðarkallinn er ein af stærstu fjáröflunarleiðum björgunarsveitanna og fer fram til að stuðla að eðlilegri endurnýjun björgunarbúnaðar og þjálfunar félaga björgunarsveita um allt land.
Björgunarsveitarfólk verður áberandi við fjölmenna staði næstu daga, og í einhverjum sveitarfélögum verður gengið í hús. Söluferlinu lýkur næstkomandi sunnudag.
