Portúgalski knattspyrnumaðurinn Cristiano Ronaldo var ekki viðstaddur jarðarför samlanda síns Diogo Jota í sumar. Jota lést í bílslysi á Spáni þann 3. júlí í sumar, aðeins 28 ára gamall, ásamt bróður sínum, André Silva. Fregnin um andlát Jota, sem var liðsmaður í portúgalska landsliðinu, kom knattspyrnuheiminum í uppnám.
Cristiano Ronaldo, sem hefur verið fyrirliði landsliðsins frá árinu 2008, var harðlega gagnrýndur fyrir að mæta ekki í jarðarförina. Allir liðsfeðgar hans í landsliðinu, auk liðsfélaga hans hjá Liverpool, voru viðstaddir ferlið í Porto. Ronaldo útskýrði fjarveru sína í hlaðvarpsþætti Piers Morgan.
„Það eru tvær ástæður fyrir því að ég mætti ekki í jarðarför Jota,“ sagði Ronaldo. „Fólk gagnrýndi mig harðlega fyrir að mæta ekki, en ég hef mína ástæður. Gagnrýnin hafði engin áhrif á mig, ég er með hreina samvisku því ég breytti rétt í þessum aðstæðum.“
Hann bætti við: „Í fyrsta lagi þá lofaði ég sjálfum mér að fara aldrei aftur í kirkjugarð eftir að faðir minn lést. Í öðru lagi þá skapast alltaf ákveðinn sirkus, hvert sem ég fer. Ef ég hefði mætt í jarðarförina hefði hún allt í einu byrjað að snúast um mig, ekki fjölskyldu Jota, og ég vildi það alls ekki.“
Ronaldo viðurkenndi að hann hefði grét þegar hann fékk fréttir af andláti Jota. „Hann var frábær manneskja og góður vinur. Við upplifðum ótrúleg augnablik saman. Ég ræddi og hitti fjölskylduna hans og gerði allt sem í mínu valdi stóð til að styðja við bakið á henni á þessum erfiðu tímum,“ sagði Ronaldo að lokum.
