Grímur Hergeirsson mun tímabundið taka við embætti ríkislögreglustjóra frá Sigríði Björk Guðjónsdóttur, sem ákvað að láta af embætti. Grímur sagði í samtali við mbl.is að hann hafi verið að setja upp eldhúsinnréttingu heima þegar hann fékk símtalið frá dómsmálaráðuneytinu.
„Ég var nú bara að setja upp eldhúsinnréttingu heima hjá mér í gær þegar ég fékk símtalið frá dómsmálaráðherra,“ sagði Grímur. Hann tekur verkefnið að sér með jákvæðum hug og hlakkar til að takast á við þau verkefni sem ríkislögreglustjóri hefur í umsjá.
Grímur hefur starfað í lögreglunni í þrjátíu ár og hóf störf árið 1996. Hann hefur verið lögreglustjóri á Suðurlandi síðan árið 2022. Í tilkynningu frá dómsmálaráðuneytinu kemur fram að embætti ríkislögreglustjóra verði auglýst á næstunni.
Þegar hann var spurður hvort hann hygðist sækja um embættið sagði Grímur: „Ef ég segi alveg eins og er þá veit ég það ekki og á alveg eftir að ákveða það. Það verður bara að koma í ljós. Núna er ég bara í fullu í embætti mínu sem lögreglustjóri á Suðurlandi og tek svo við tímabundið við starfi ríkislögreglustjóra á föstudaginn.“
Sigríður Björk hefur sætt mikilli gagnrýni að undanförnu, sérstaklega vegna umfjöllun um viðskipti embættisins við fyrirtækið Intra, þar sem embættið keypti þjónustu af þeim fyrir 160 milljónir króna. Grímur tjáði sig um þennan málaflokk og sagði: „Ég er meðvitaður um þessi mál en ég er fullur tilhlökkunar. Það hefur reynst mér vel í gegnum árin að horfa fram á veginn frekar en að líta í bakksýnisspegilinn.“
