Rannsókn á hvarfi Susan Goodwin, 39 ára konu frá Port Lincoln, hefur verið endurvakin af lögreglu í Suður-Australíu. Hún hvarf 19. júlí 2002, og frá þeim tíma hefur ekkert heyrst frá henni. Lögreglan fékk tilkynningu um hvarf hennar á föstudeginum því, en síðast sást til Goodwin um hádegisbil á sama degi eftir að hún hafði lokið verslun í Coles og Woolworths. Bifreið hennar fannst stuttu fyrir klukkan 17.
Strax í byrjun rannsókna grunaði lögreglan að Goodwin hefði verið myrt, en ekkert gekk að leysa málið fyrr en núna að nýja rannsóknin beindist að heimilisfangi í Pamir Court í Port Lincoln. Þar úthlutaði alríkislögreglan jarðsjá til að rannsaka garðinn við húsið. Marc Hutchins, yfirlogregluþjónn, sagði í viðtali við ástralska ríkisútvarpið ABC að leitin myndi taka nokkra daga. „Lögreglumenn frá Major Crime Investigation Branch (MCIB) og alríkislögreglunni verða í Port Lincoln alla vikuna í leit og við að fylgja eftir ábendingum íbúa,“ sagði Hutchins.
Leitin lauk í dag þegar mannabein fundust niðurgrafin á lóðinni, og lögreglan handtók fljótt 64 ára gamlan mann, sem hún grunar um að hafi komið Goodwin fyrir kattarnef fyrir rúmum 23 árum. Ákæra mun vera á hendur honum á næstunni. Andrew Macrae, rannsóknarlögreglumaður í MCIB, sagði að þetta „kalda mál“ hefði verið tekið til rannsóknar á ný. „Það er hryggilegt að fjölskylda Susan hafi enga svör fengið í 23 ár,“ bætti Macrae við. Rannsóknarlögreglumenn hafi nú útilokað nokkra einstaklinga sem áður höfðu legið undir grun, en þeir hafa komist að því að einhverjir í Port Lincoln hafi vitneskju um örlög Goodwin þann 19. júlí 2002.
Rannsóknin heldur áfram, og vonir standa til að hægt verði að skera úr um örlög Susan Goodwin og veita fjölskyldu hennar loksins svör.
