Þrjú þúsund ára gamalt gullarmband hefur horfið úr rannsóknarstofu Egypska forngripasafnsins í Kaíró, samkvæmt upplýsingum frá fornleifaráðuneytinu í Egyptalandi. Ekki er vitað hvenær gripurinn sást síðast.
Um er að ræða gullbaug með perlum frá valdatið faraóins Amenemope, sem var á árunum 1070–945 f.Kr. Hvarfið kom í ljós við talningu forngripa fyrir sýninguna Treasures of the Pharaohs, sem á að fara fram í Róm í lok október.
Ráðuneytið hefur hafið innanhússrannsókn vegna hvarfsins og gert flugvöllum, höfnum og landastoðum víðs vegar um landið viðvart. Hvarfið komst í ljós rétt fyrir áætlaða opnun Stóra Egyptalandssafnsins þann 1. nóvember, þar sem meðal annars verða til sýnis gripir sem fundust í gröf Túntankhamons.
