KA lék í kvöld á móti Aftureldingu í úrvalsdeildinni í handknattleik og töpuðu þeir með 36:27. Magnús Dagur Jónatansson, leikmaður KA, var eðlilega ekki ánægður með frammistöðu liðsins.
„Við mætum aldrei til leiks í dag og náðum aldrei að koma okkur almennilega inn í þetta,“ sagði Magnús Dagur í samtali við mbl.is. Hann minnti á að í síðasta leik gegn Haukum hefði liðið komið sterkt til baka eftir að hafa lent undir, en í kvöld tókst það ekki. „Við þurfum einfaldlega að fara í naflaskoðun eftir þennan leik,“ bætti hann við.
Bruno Bernat varði vel í marki KA, en það dugði ekki til. „Bruno var flottur og varði nokkra góða bolta, þrátt fyrir að vera með lélega vörn fyrir framan sig,“ sagði Magnús.
Magnús benti einnig á að sóknarleikur KA væri í vandræðum og að það væri eitthvað sem þyrfti að vinna betur. „Alveg klárlega. Sóknarleikur okkar var of staður, það vantaði meira tempo á boltann og fleira til að komast í betri árásir. Við vitum að við þurfum að gera mikið betur,“ sagði hann.
Magnús Dagur sagði að það væri ekki krísufundur framundan, heldur myndu þeir einbeita sér að næsta leik sem er útileikur gegn HK á fimmtudaginn. „Það er leikur sem við ætlum okkur að vinna,“ lauk Magnús máli sínu.
