Í nýjum hlaðvarpsþætti hjá Chris Williamson greinir Bonnie Blue frá því hvernig fjölskylda hennar fylgdist með heimildarmyndinni „1000 men and me: The Bonnie Blue Story“. Hún var að svara spurningum um hvernig hún hyggst ræða um starf sitt þegar hún eignast börn.
Bonnie sagðist vilja vera hreinskilin við börnin sín og sagði: „Ég myndi aldrei vilja að einhver myndi segja börnunum mínum við hvað ég vinn og koma þeim þannig á óvart. Ég vil vera sú sem segi þeim.“ Hún lagði áherslu á að börnin hennar eigi að fá að heyra um líf hennar beint frá henni.
Í heimildarmyndinni eru sýndar ýmsar kynferðislegar senur, þar á meðal atriði sem snúa að hópkynlífi. Bonnie bauð fjölskyldu sinni að koma á forsýninguna, en viðbrögðin voru mismunandi. „Sumum blaðamönnum þótti ógeðslegt að ég bauð fjölskyldu minni. Það var erfitt að horfa á myndina með þeim,“ sagði hún.
Hún útskýrði að stundum hafi komið upp atriði í myndinni þar sem foreldrar hennar og amma hafi hlegið, en önnur atriði hafi valdið þeim óþægindum. „Ég er mjög ánægð að þau horfðu á myndina. Því vinir þeirra eiga eftir að horfa á hana, allir í hverfinu og bænum líka. Nú getur enginn sagt neitt við þau sem kemur þeim á óvart,“ sagði Bonnie.
Í lokin sagði hún að hún vilji alltaf vera heiðarleg við framtíðarbörnin sín og ekki fela neitt.
