Pep Guardiola, knattspyrnustjóri Manchester City, beindi gagnrýni sinni að kollegum sínum, Mikel Arteta hjá Arsenal og Arne Slot hjá Liverpool, á fréttamannafundi í dag. Guardiola minnti á að Manchester City hafi eytt um 1,74 milljörðum punda í leikmannakaup frá því að hann tók við stjórnartaumunum árið 2016, og að þessi eyðsla hafi oft verið umdeild.
Á fundinum nýtti Guardiola tækifærið til að leggja áherslu á að bæði Arsenal og Liverpool hafi ekki verið í skugga þessara fjárfestinga. Arsenal eyddi um 300 milljónum punda og Liverpool um 450 milljónum punda í leikmannakaup í sumar. „Það eina sem ég vil segja við vin minn Mikel Arteta er að ef hann vinnur ensku úrvalsdeildina verður það einungis vegna eyðslu, ekki vegna þess að hann lagði hart að sér!“ sagði Guardiola. „Sama gildir um Liverpool, ef Arne vinnur titilinn verður það vegna þess að hann eyddi háum fjárhæðum, ekki satt?“
Guardiola hélt áfram að útskýra að þessi lið hafi í raun getað eytt því sem þau vildu í mörg ár. „Öll þessi félög hafa í mörg, mörg ár getað gert hvað sem þau vilja! Þau vilja eyða því því þau vilja það, og það er í góðu lagi. Það er eina sem ég get sagt, þau hafa verið skynsamir í sínum ákvörðunum,“ sagði Guardiola.
Í næstu umferð ensku úrvalsdeildarinnar mun Arsenal mæta Manchester City í stórleik á sunnudag klukkan 15.30. Leikurinn verður í beinni textalýsingu hér á mbl.is.
