Ástralinn Ange Postecoglou, knattspyrnustjóri Nottingham Forest, hefur ekki átt auðvelda byrjun á sínum ferli hjá liðinu í ensku úrvalsdeildinni. Í dag endaði leikur liðsins gegn Burnley með 1:1 jafntefli.
Fyrsti leikur Forest undir stjórn Postecoglou var harður, þar sem liðið tapaði 3:0 gegn Arsenal síðasta laugardag. Á miðvikudaginn fylgdi svo annað tap, þegar liðið féll úr leik í deildarbikarnum eftir 3:2 tap gegn B-deildarliði Swansea á útivelli.
„Það má alltaf búast við erfiðum leik hér. Við mættum Arsenal fyrir viku síðan, en í dag litum við út eins og allt annað lið. Ég er vonsvikinn með úrslitin, en framfarir í leik liðsins eru mér ofar í huga og mjög jákvæðar. Við misstum örlítið stjórn á leiknum og áttum nokkur slæm augnablik sem hleypti þeim inn í leikinn, en við fengum nóg af marktækifærum til að vinna leikinn,“ sagði Postecoglou í viðtali við BBC.
