Bandaríkin eru að íhuga að veita Argentínu fjárhagslega aðstoð á tímum óvissu á mörkuðum. Scott Bessent, fjarmálaráðherra Bandaríkjanna, sagði að ýmsir möguleikar séu til staðar en að til standi að funda með Javier Milei forseta Argentínu og Donald Trump á morgun í New York.
Bessent lagði áherslu á að bandarísk stjórnvöld séu reiðubúin til að styðja Argentínu, sérstaklega á tímum mikilla sveiflna. Samkvæmt upplýsingum frá Financial Times er mögulegt að nýta Exchange Stabilization Fund (ESF) Bandaríkjanna til að framkvæma gjaldeyrisinngrip eða kaupa argentinsk ríkisskuldabréf.
Fundurinn á morgun fer fram í skugga þess að markaðir í Argentínu hafi veikst eftir að Milei tapaði óvænt í kosningum í Buenos Aires. Seðlabanki Argentínu hefur nýverið varið um 1,1 milljarðs dala í tilraun til að verja pesoið, en gjaldeyrisforði landsins er að minnka, sem hefur aukið áhyggjur fjárfesta.
Bessent sagði að Bandaríkin séu „reiðubúin að gera það sem þarf innan umboðs“ til að styðja Argentínu. Eftir yfirlýsingar hans hækkuðu argentinsk ríkisskuldabréf í dollurum, þar sem verð á bréfum með gjalddaga árin 2029 og 2035 jókst um 6-7 sent á dollarann.
