Bernard Arnault, forstjóri tískuveldisins LVMH og ríkasti maður Frakklands, hefur harðlega gagnrýnt hugmyndir um að leggja á 2% auðlegðarskatt á einstaklinga með auðæfi yfir 100 milljónir evra, eða 14 milljarða króna. Arnault sagði í viðtali við breska helgarblaðið The Sunday Times að slíkar tillögur merki um „skyra löngun til að eyðileggja franska hagkerfið“.
Samkvæmt fréttum frá Reuters hefur stuðningur við auðlegðarskattinn aukist að undanförnu. Forsætisráðherrann Sébastien Lecornu stendur nú frammi fyrir þrýstingi frá sósíalistaflokknum um að bæta skattinum við fjárhagsáætlun ársins 2026. Ef ekki verður farið að þessum tillögum gæti verið lagt fram vantrauststillaga gegn honum.
Arnault lýsti Gabriel Zucman, hagfræðingnum á bak við hugmyndina um auðlegðarskatt, sem „fyrst og fremst mjög vinstrisinnaðum aðgerðasinna“ sem noti „sýndar-akademískan hæfileika“ til að stuðla að hugmyndum sem stefna að því að brjóta upp frjálsa hagkerfið. Zucman, sem er prófessor við École Normale Supérieure í Frakklandi og University of California í Berkeley, svaraði Arnault á samfélagsmiðlinum X og sagði að hann hefði aldrei verið aðgerðarsinni fyrir nokkur hreyfingu eða tiltekinn flokk.
Í umfjölluninni kemur einnig fram að Zucman hafi verið meðal 300 hagfræðinga sem styðja opinberlega efnastefnu Nouveau Front Populaire, kosningabandalags vinstri flokka í Frakklandi fyrir þingkosningarnar í fyrra. Zucman hefur haldið því fram að efnuðustu einstaklingar samfélagsins greiði hlutfallslega minni skatta en margir aðrir íbúar, og að auðlegðarskattur eigi að loka þessu bili. Samkvæmt niðurstöðum Ifop könnunar, sem unnin var fyrir sósíalistaflokkinn, er 86% almennings hlynntur skattinum.
