Ístækni og Laxey í Vestmannaeyjum hafa nýlega undirritað samning um smíði á ísgerðarbúnaði sem mun þjónusta nýja laxavinnslustöð Laxey. Búnaðurinn, sem er hannaður og smíðaður af Ístækni, mun skammta rétta magn af ís í kassa til að tryggja gæði vörunnar fyrir kaupendur.
„Starfsmenn Ístækni hafa unnið að uppsetningu á öllum vinnslubúnaði fyrir Laxey síðustu vikur. Þessum viðbótum verður komið upp áður en vinnsla hefst í nóvember,“ útskýrir Jóhann Bæring Gunnarsson, framkvæmdastjóri Ístækni.
Kristmann Kristmannsson, verkefnastjóri vinnslu og innkaupa hjá Laxey, bætir við: „Við hjá Laxey höfum unnið náið með Ístækni að hönnun og uppsetningu búnaðar í nýju vinnsluna. Þetta er síðasti búnaðurinn sem vantaði til að gera vinnsluna fullbúna. Samstarfið við Ístækni hefur gengið mjög vel og vildum við ljúka þessu verkefni með þeim.“
Planað er að búnaðurinn verði settur upp um miðjan október og gert er ráð fyrir að vinnslan hefjist í nóvember, tveimur árum eftir að fyrirtækið keypti fyrstu hrognin.
