Jimmy Kimmel sneri aftur á skjáinn í gærkvöldi eftir að þátturinn hans hafði verið settur á ís vegna viðbragða stjórnvalda við ummælum hans eftir morðið á Charlie Kirk. Kimmel sagði í þætti sínum að stjórnvöld ættu ekki að reyna að þagga niður í skemmtikraftum sem forsetanum líki ekki við, og að slíkar aðgerðir væru and-amerískar.
Ástæðan fyrir því að Kimmel var settur á ís var harkaleg viðbrögð stjórnvalda við orðum hans, þar sem hann sagði að MAGA-hreyfingin reyndi að nýta morðið í pólitískum tilgangi. Kimmel útskýrði að hann hefði ekki ætlað að gera lítið úr morðinu né kenna ákveðnum hóp um það, en hann viðurkenndi að ummæli hans hefðu verið illa tímsett.
Kimmel var vel fagnað í sjónvarpssalnum, en ekki allir voru ánægðir með endurkomu hans. Donald Trump, forseti Bandaríkjanna, lýsti yfir óánægju sinni og sagði að hann skildi ekki hvers vegna ABC hefði leyft Kimmel að snúa aftur. Trump sagði að Hvíta húsið hefði fengið upplýsingar frá ABC um að þátturinn hefði verið aflystur.
Í skrifum sínum á samfélagsmiðlum var tónn Trump ógnandi. „Ég held við eigum eftir að láta reyna ABC vegna þessa. Sjáum hvernig okkur gengur,“ skrifaði Trump. „Síðast þegar ég fór á eftir þeim, létu þeir mig hafa 16 milljónir dollara.“ Forsetinn benti á að þetta gæti orðið enn áþreifanlegra fyrir sig.
Ekki gátu allir fylgst með Kimmel í gærkvöldi, þar sem BBC greindi frá því að þátturinn hafi ekki verið sendur út á 70 sjónvarpsstöðvum í eigu fjölmiðlafyrirtækjanna Sinclair og Nexstar. Samkvæmt Deadline fengu um það bil fjórðungur bandarískra heimila ekki sjónvarpsútsendinguna.
