Stormur hefur nú skollið á Íslandi, þar sem mælst hefur mestur vindur á láglendi 24 metrar á sekúndu á Dalatanga og á hálandinu hefur vindurinn farið í 27 metra á sekúndu á Gagnheiði. Á Ljósalandi í Fáskrúðsfirði hefur úrkoman mælst rúmlega 50 millimetrar frá miðnætti og tæplega 47 millimetrar á Teigarhorni.
Gular viðvaranir hafa verið gefnar út um mestallt land vegna hvassviðris og/eða rigningar, og gilda þær á misjöfnum tíma eftir landshlutum. Einnig er varað við aukinni skriðuhættu vegna úrkomu á Vesturlandi, Suðurlandi, Suðausturlandi og sunnanverðum Austfjörðum.
Veðurstofan spáir suðaustan og austan 8 til 15 metrum á sekúndu og talsverðri rigningu, en mikil úrkoma mun verða á suðaustanverðu landinu. Frá norðaustanlandi styttir upp. Vindur snýst í suð vestan 13 til 20 metra á sekúndu um hádegi, en yfirleitt verður bjart norðaustanlands. Hitastig mun liggja á milli 8 til 16 stiga, en hlýjast verður fyrir norðan.
Suðvestanáttin mun minnka á morgun, og verður hún á bilinu 5 til 10 metrar á sekúndu síðdegis. Dálítil væta er í kortunum, en lengst af þurrt er austantil. Hitastig má búast við að verði 10 til 15 stig. Lægir annað kvöld.
