Alþjóðahafrannsóknarráðið hefur gefið út nýja ráðgjöf um veiðar á norsk-íslenskri síld, makríl og kolmunna fyrir árið 2026. Samkvæmt þessari ráðgjöf er lagt til að makrílveiði á því ári verði takmörkuð við 174 þúsund tonn, sem er 70% lækkun frá ráðgjöf yfirstandandi árs sem var 577 þúsund tonn.
Ástæða þessarar lækkunar er minnkandi hrygningarstofn og veiðihlutfall, þar sem hrygningarstofnstærð er undir varúðarmörkum á árinu 2025. Fyrir árið 2025 er áætlað að heildarafli verði ríflega 755 þúsund tonn, sem er 31% umfram ráðgjöf.
Í ráðgjöfinni er einnig lagt til að afli norsk-íslenskrar vorgotssíldar árið 2025 verði ekki meiri en tæp 534 þúsund tonn, sem er 33% hækkun miðað við ráðgjöf yfirstandandi árs sem var 402 þúsund tonn. Árgangar síðustu ára hafa verið litlir, en þó má búast við hækkun vegna árganganna frá 2021 og 2022 sem eru að koma inn í veiðistofninn.
Fyrir árið 2026 leggur ICES einnig til að kolmunnaafli verði ekki meiri en 851 þúsund tonn, sem er um 41% lækkun frá 1,45 milljón tonnum á yfirstandandi ári. Lækkunin er vegna minnkandi veiðistofns og háum fiskveiðidauða, auk þess sem litlum árgangum er að koma inn í stofninn.
Ekki er í gildi samkomulag milli þeirra þjóða sem stunda veiðar úr þessum þremur deilistofnum um skiptingu aflahlutdeildar. Þess vegna hafa hver þjóð sett sér aflamark einhliða, sem hefur leitt til þess að veiðar hafa verið umfram ráðgjöf ICES um áratugi.
