Sahara og Olís hafa verið tilnefnd til European Paid Media Awards 2025 fyrir herferðina Sumarleikur Olís 2024. Samkvæmt tilkynningu frá fyrirtækjunum, hefur herferðin verið valin í tveimur flokkum: Paid Media Campaign of the Year og Paid Social Campaign of the Year. Tilnefningarnar eru fyrir þá nálgun sem kallast „Engaging Gamification for Brand Loyalty“ á vefsíðu verðlaunanna.
Sumarleikurinn hefur einnig hlotið tvær tilnefningar hjá Global Digital Excellence Awards í sambærilegum flokkum. Herferðin fór fram frá 14. júní til 21. ágúst, þar sem markhópurinn var fólkið á aldrinum 18–65+ um allt land. Aðalleikurinn var lukkuhjól sem þátttakendur gátu snúið daglega í von um að vinna skemmtilega vinninga.
Playable var valinn sem vettvangur fyrir leikinn sem var kynntur með blönduðu markaðsefni á bæði innlendum og erlendum miðlum. Leikurinn færði yfir 260 þúsund skráningar, sem telst til frábærs árangurs. Þá var leitað að „Sumarleik Olís“ á Google meira en 10 þúsund sinnum á tímabilinu.
„Markmiðið með herferðinni var að skapa virðisaukandi upplifun fyrir viðskiptavini og nýta til þess „gamification“ í markaðsstarfinu. Með þessari nálgun erum við jafnframt að styðja við þá langtímastefnu félagsins að styrkja í sífellu tengingu viðskiptavina við vörumerkið og veita þeim meira en aðeins hefðbundna þjónustu,“ segir Þyrí Dröfn Konráðsdóttur, markaðsstjóri Olís.
Eva Þorsteinsdóttir, viðskiptastjóri og partner hjá Sahara, bætir við: „Hlutverk okkar er að móta og samþætta markaðsaðgerðir. Við skoðum allar upplýsingar og í kjölfarið rýnum við gögnin og nýtum þau til að dýpka skilning okkar á viðskiptavinum. Þetta ferli gerir okkur kleift að hámarka áhrif herferða, efla samskipti við viðskiptavini og tryggja að við bjóðum þeim viðeigandi tilboð á réttum tíma.“
„Með því að nota þessa nálgun, viðhalda stöðugri endurgjöf og læra af fyrri herferðum, getum við stöðugt verið að bæta hvernig við nálgumst og þjónustum viðskiptavinina,“ bætir hún við.
