Mikel Arteta, stjóri Arsenal á Englandi, fagnaði 2-0 sigri á Olympiakos í kvöld. Með þessum sigri tryggði Arsenal sér fullt hús stiga eftir fyrstu tvo leikina í Meistaradeild Evrópu.
Leikurinn byrjaði með því að Gabriel Martinelli skoraði snemma, en Olympiakos skapaði einnig hættulegar aðstæður við mark heimamanna. David Raya átti frábæra vörslu gegn Daniel Podence og í seinni hálfleik var mark Olympiakos dæmt af vegna rangstöðu. Þeir Bukayo Saka tryggði síðan sigurinn undir lok leiksins.
Arteta var ánægður með frammistöðu liðsins og sérstaklega með Raya: „Ég er ótrúlega ánægður með sigurinn og að halda hreinu gegn erfiðum andstæðingi. Við byrjuðum leikinn mjög vel, skorum mark og fengum nokkur stór færi. En við opnuðum okkur heldur mikið eftir það og þurftum að treysta á Raya til að halda lakinu hreinu,“ sagði Arteta.
Martin Ødegaard átti einnig frábæran leik og var valinn bestur af fjölmörgum miðlum og UEFA. Arteta hrósaði honum sérstaklega: „Hann var stórkostlegur. Hann hafði áhrif á leikinn með mjög mikilvægum hætti. Hann hélt áfram að spila boltanum fram völlinn og senda menn í gegn. Hann hefði líka átt að skora mark, þannig að það er bara mjög gott að hann sé mættur aftur á þetta stig.“
Hins vegar þurfti Gabriel, brasilíski miðvörðurinn, að fara af velli í seinni hálfleik vegna meiðsla sem hann varð fyrir í fyrri hálfleiknum. Arteta sagði: „Hann var í smá basli eftir spark í fyrri hálfleiknum, þannig við ákváðum að taka hann af velli.“
Um helgina mun Arteta stýra 300. leik sínum með Arsenal þegar liðið tekur á móti West Ham á Emirates-leikvanginum. Spánverjinn þakkar fyrir að hafa fengið tækifæri til að sanna sig hjá félaginu: „Ég vissi það reyndar ekki. Það eru margir leikir hjá þessu félagi, þannig þetta er bara þvílíkur heiður fyrir mig og ber ég öllum þeim sem hafa leyft mér að vera hér allan þennan tíma miklar þakkir,“ sagði Arteta að lokum.
