Eric Dier bjargaði stigi fyrir Monaco með marki úr vítaspyrnu í lokamínútunum í 2-2 jafnteflinu gegn Manchester City í Meistaradeildinni. Leikurinn fór fram í gær.
Dier fékk vítaspyrnu undir lokin þegar Nico Gonzalez fór of hátt með lappirnar. Dómari leiksins ákvað að dæma vítaspyrnuna eftir að VAR hafði verið skoðað. Dier tók vítið sjálfur og skoraði með skoti sínu.
„Ég heyrði að Bernardo Silva sagði að ég hafi dýft mér, en ég verð að horfa á þetta aftur. Þetta snerti klárlega andlitið á mér, en þetta fer eftir hæðinni á hausnum og hvað dómarinn ákveður. Það var samt klárlega snerting, en við erum bara ánægðir að fá markið og stigið í lokin,“ sagði Dier í viðtali eftir leik.
Þetta var fyrsta stig Monaco í Meistaradeildinni, en Manchester City situr nú með fjögur stig í riðlinum.
