Í dag eru spennandi leikir á dagskrá í ítalska fótboltanum, þar sem tveir stórleikir vekja sérstaka athygli. Fyrri leikurinn hefst eftir hádegi þegar Fiorentina mætir Roma í heimaleik í Flórens. Seinni leikurinn fer fram í kvöld á Allianz Stadium þar sem Juventus tekur á móti AC Milan í toppslag.
Albert Guðmundsson og félagar í Fiorentina hafa haft erfitt uppdráttar í Serie A, og hafa aðeins náð þremur stigum eftir fyrstu fimm umferðir tímabilsins. Andstæðingar þeirra, Roma, hafa byrjað tímabilið sterkt undir stjórn Gian Piero Gasperini og deila nú toppsætinu með þremur öðrum liðum, öll með 12 stig.
Milan er eitt af liðunum sem deilir toppsætinu með Roma, og heimsækir þjálfari þeirra, Massimiliano Allegri, sitt gamla félag, Juventus. Juve er eitt af tveimur liðum í deildinni sem hafa ekki tapað leik, og eru einu stigi á eftir toppliðunum. Ítalsku meistararnir, Napoli, eiga einnig heimaleik í dag gegn Genoa, þar sem Mikael Egill Ellertsson hefur byrjað fjóra af fimm deildarleikjum sínum með Genoa hingað til.
Aðrir leikir dagsins eru Udinese gegn Cagliari og Bologna gegn Pisa. Leikir dagsins eru sem hér segir:
- 10:30 Udinese – Cagliari
- 13:00 Bologna – Pisa
- 13:00 Fiorentina – Roma
- 16:00 Napoli – Genoa
- 18:45 Juventus – Milan
