Alexandra Grant, listakona og kærasta leikarans Keanu Reeves, birti mynd á Instagram í gær þar sem hún kveður niður orðróm um að þau hafi gengið í hjónaband. Á myndinni sjást þau kyssast í Roden Crater í norðurhluta Arizona, þar sem bandaríski listamaðurinn James Turrell hefur skapað einstakt listaverk.
„Þetta er raunveruleg mynd, ekki trúlofunarmynd eða tilkynning um brúðkaup með gervigreind … bara koss!“ skrifaði Grant í færslu sinni. Hún þakkaði einnig fyrir hamingjuóskirnar sem hún hafði fengið en tók skýrt fram að þau hefðu ekki gengið í hjónaband. „Ég deili myndinni hér til að þakka öllum fyrir hamingjuóskirnar í tilefni af brúðkaupinu okkar. Nema hvað við giftum okkur ekki,“ bætti hún við.
Grant sagði að góður fréttaflutningur væri mikil þörf þessa dagana, en að þessar upplýsingar væru samt falsfréttir. „Svo, farið varlega þarna úti! Svo, hér er smá raunveruleg hamingja!“
Reeves, sem er 60 ára, og Grant, sem er 52 ára, kynntust árið 2011 þegar þau unnu saman að útgáfu bókarinnar Ode to Happiness. Þau héldu sambandi sínu leyndu um tíma en opinberuðu það loks árið 2019 þegar Grant fylgdi Reeves á rauða dregilinn á viðburði í Los Angeles.
