Anthony Hopkins hefur opinberað að hann og dóttir hans, Abigail Hopkins, tala ekki saman. Þessi staðreynd kom fram í nýju viðtali við leikarann í The New York Times þar sem hann fjallar um æviminningar sínar.
Hopkins lýsir því hvernig hann óskar dóttur sinni alls hins besta, en hún hefur ekki svarað tilraunum hans til að ná sáttum. „Eiginkona mín, Stella, bauð henni að koma og hitta okkur, en við fengum ekkert svar. Þá hugsa ég, ok flott. Ég óska henni góðs en ég er ekki að fara að missa svefn yfir þessu. Ef þú vilt sóa lífinu í biturð, gerðu það þá,“ sagði Hopkins.
Abigail er dóttir Hopkins og fyrrverandi eiginkonu hans, Patronella Barker. Þau skildu árið 1972 þegar Abigail var barn og hafa síðan þá átt í erfiðleikum með samskiptin. Þau endurnýjuðu kynnin á tíunda áratug síðustu aldar, en eftir að þau léku saman í kvikmyndum eins og Shadowlands og Remains of the Day kom upp ósætti sem leiddi til þess að þau hættu að tala.
„Ég gæti verið bitur yfir fortíðinni en það jafngildir dauða. Þá ertu hættur að lifa,“ sagði leikarinn. Hann bætir við að enginn sé alfarið dýrlings eða syndari; fólk er alls konar. „Lífið sjálft einkennist af sársauka og fólk verður sárt og særir aðra. Það er samt ekki hægt að dvelja á slíku, ef fólk velur að gera það, þá er það þeirra mál.“
Hopkins segist ekki vera viss um hvort dóttir hans lesi æviminningar hans eða ekki, en hann vill ekki særa hana. Abigail Hopkins starfar aðallega sem tónlistarkona. Árið 2006 sagði hún í samtali við The Telegraph að hún væri til í að sættast við föður sinn, sem hún hafði ekki talað við í fimm ár. Hún bendir á að samskipti þeirra hafi aldrei verið náin og að þau hafi lítillega rætt stór mál í lífinu.
