Maldíveyjar hafa innleitt ný lög sem banna reykingar og sölu á tóbaki til einstaklinga fæddum 1. janúar 2007 eða síðar. Þessi reglugerð tók gildi 1. nóvember síðastliðinn. Eyjar þessar eru staðsettar í Indlandshafi og íbúar þeirra eru um 530 þúsund.
Heilbrigðisráðuneyti Maldíveyja hefur tilkynnt að tilgangur þessara laga sé að vernda lýðheilsu og stuðla að tóbakslausri kynslóð. Bannið nær til allra tegunda tóbaks, og seljendur þurfa að staðfesta aldur kaupenda áður en sala fer fram.
Að auki er í gildi víðtækt bann við innflutningi, sölu, dreifingu, vörslu og notkun rafsígaretta. Þetta bann á einnig við um alla, óháð aldri eða þjóðerni.
Að sögn Ahmed Afaal, varaformanns tóbaksvarnaráðs eyjaklasans, var bannið við rafsígarettum, sem var samþykkt í fyrra, mikilvægt fyrsta skref í átt að tóbakslausri kynslóð. Í viðtali við BBC World Service sagði Afaal að ferðamenn sem heimsækja Maldíveyjar þurfi einnig að fylgja þessum lögum, en hann telur að reykingabannið muni ekki hafa neikvæð áhrif á ferðaþjónustu.
„Fólk kemur ekki til Maldíveyja vegna þess að má reykja. Þeir koma vegna strandanna, sjávarins, sólarinnar – og ferska loftsins,“ bætti hann við, en búist er við yfir tveimur milljónum ferðamanna á næsta ári.
Maldíveyjar eru fyrsti aðili í heiminum til að innleiða heildarban á sölu og notkun tóbaks, þar með talið rafrettum. Fyrirhugað var að gera slíkt hið sama í Nýja-Sjálandi árið 2023, en ákveðið var að hverfa frá því áður en lögin urðu fullgild.
