Völsungur hefur tilkynnt að Aðalsteinn Jóhann Friðriksson, oft kallaður Alli, sé hættur þjálfun liðsins og muni leita annarra tækifæra. Alli hefur verið í þjálfun hjá Völsungi í langan tíma, þar sem hann hóf feril sinn sem þjálfari yngri flokka félagsins.
Árið 2020 tók hann við kvennaliði Völsungs, sem þá var í 1. deild, en hefur verið í 2. deild síðan. Á fjórum af fimm tímabilum sínum hefur liðið verið aðeins einu sæti frá því að komast upp aftur í 1. deild.
Alli tók einnig við karlaliði Völsungs fyrir tímabilið 2023. Á sínu öðru tímabili í þeirri stöðu náði hann að koma liðinu upp í Lengjudeildina, þar sem liðið endaði í 7. sæti í sumar, sem er besti árangur Völsungs í mörg ár.
Í tilkynningu félagsins segir: „Völsungur vildi halda samstarfinu áfram, en eins og áður hefur verið sagt, ætlar Alli að leita sér nýrra tækifæra. Það er sárt að kveðja eins mikinn félagsmann eins og Alli, en alltaf kemur maður í mann stað. Alli skilur eftir sig sterkt lið af leikmönnum, og við sáum svo vel í sumar að framtíðin er björt hjá Völsungi.“
Leit að nýjum þjálfara er þegar hafin, og Völsungur mun birta frekari fréttir um það fljótlega. Við óskum Alli velfarnaðar í nýjum verkefnum og þökkum honum kærlega fyrir samstarfið í gegnum árin. Áfram Völsungur,“ segir í tilkynningunni.
Samkvæmt heimildum Fótbolta.net er líklegt að Alli verði næsti þjálfari Þórs/KA, þar sem Jóhann Kristinn Gunnarsson hefur hætt þar eftir tímabilið til að taka við Þrótti.
