Arsenal og Manchester United eru nú í forystu í leikjum sínum í ensku úrvalsdeildinni í knattspyrnu. Leikur Arsenal gegn West Ham fer fram á Emirates-leikvanginum þar sem staðan er 1:0 í hálfleik. Declan Rice skoraði markið á 38. mínútu eftir að skot frá Eberechi Eze var varið.
Á Old Trafford í Manchester byrjaði United leikinn á góðum nótum gegn nýliðum Sunderland þegar Mason Mount skoraði á 8. mínútu eftir sendingu frá Bryan Mbeumo. Benjamin Sesko bætti við marki á 31. mínútu, og staðan í hálfleik er því 2:0 fyrir United.
