Aston Villa náði í mikilvægan 2:1 sigur á Tottenham Hotspur á heimavelli síðarnefnda liðsins í áttundu umferð ensku úrvalsdeildarinnar í knattspyrnu karla í dag. Með þessum sigri fer Villa upp í tíunda sæti deildarinnar með 12 stig, á meðan Tottenham fellur niður í sjötta sæti með 14 stig.
Heimamenn komust yfir strax á fimmundu leiksins þegar Rodrigo Bentancur skoraði eftir fyrirgjöf frá Joao Palhinha, sem leiddi boltann inn í markið vinstra megin við markteiginn. Á 37. mínútu jafnaði Morgan Rogers metin fyrir Aston Villa þegar hann skoraði með stórglæsilegu skoti rétt fyrir utan vítateig hægra megin. Skot hans fór í boga yfir Gugliemo Vicario, markvörð Tottenham, sem hafði ekki möguleika á að verja það.
Staðan var því 1:1 þegar liðin fóru í leikhlé. Á 77. mínútu kom Emiliano Buendía, varamaður, inn á og skoraði sigurmark Villa. Matty Cash átti einstaklega fallega langa sendingu, og Lucas Digne tók boltann frábærlega á móti, lagði hann til hliðar á Buendía, sem sendi boltann hnitmiðað niður í fjærhornið með góðu skoti hægra megin við D-bogann.
