Arnar Guðjónsson, þjálfari Tindastóls, lýsti yfir ánægju sinni eftir spennandi sigur á Val í fyrstu umferð Íslandsmótsins í körfubolta í kvöld. Hann var spurður um leikinn og sagði:
„Gott að ná að loka þessu í restina. Mér fannst við spila vel í fyrri hálfleik en ekki jafnvel í seinni hálfleik. Við þurfum að vera grimmari í fráköstum og við þurfum að koma í veg fyrir að verða staðir í sóknarleik okkar eins og vill oft gerast á móti Valsmönnum.“
Valsmenn eru þekktir fyrir gott varnarlið, en Tindastóll náði 17 stiga forskoti í fyrri hálfleik. Það leit út fyrir að þeir væru að fara að keyra yfir þá í leiknum, en í seinni hálfleik gerðist eitthvað sem snéri leiknum við. „Þeir gera mjög vel í að koma sér á vítalínuna. Þeir skjóta 38 vítum á meðan við skjóta 14 hinum megin. Við náðum eiginlega aldrei neinu tempói eða hraða í leikinn því þeir eru bara að skjóta vítum allan leikinn,“ bætti Arnar við.
Hann tók einnig fram að þegar Valsmenn klikkaði á vítunum sínum, voru þeir duglegir að ná sóknarfráköstum. „Þetta er svona dýptin í einhverri greiningu á þessum leik. Þá má ekki taka það af Valsmönnum að í seinni hálfleik gerðu þeir hlutina að mörgu leyti betur en við. Við fórum illa með mörg góð skotfæri. Mér fannst við eiga að fá fleiri vítaskot sem við fengum ekki.“
Þegar rætt var um þreytu í sínu liði eftir ferðalög helgarinnar, svaraði Arnar ákveðið: „Nei! Það skrifast ekki á þreytu. Við unnum lið á útivelli sem hefur orðið Íslandsmeistarar nokkrum sinnum, eru bikarmeistarar og eru með landsliðsmenn. Þetta er besta lið deildarinnar og við unnum þá á útivelli. Við vorum ekkert þreyttir og það skrifast ekkert á það. Við bara unnum gott lið á útivelli í kvöld. Ég er mjög glaður fyrir það og við erum ekki þreyttir eftir að hafa spilað einn leik í útlöndum,“ sagði Arnar í samtali við mbl.is.
