Þremur fyrstu leikjum dagsins í efstu deild spænska boltans er lokið, þar sem Girona vann sinn fyrsta leik á þessu deildartímabili. Girona tók á móti Valencia og þurfti á sigri að halda eftir erfiða byrjun tímabilsins. Gestirnir frá Valencia leiddu í leikhléinu, en Girona snéri stöðunni við í seinni hálfleik, þrátt fyrir að hafa verið talsvert lakara liðið á vellinum. Arnau Martínez skoraði sigurmarkið fyrir Girona, sem þurfti svo að klára leikinn með einum færri leikmanni eftir að Iván Martín var rekinn af velli. Lokatölur leiksins urðu 2-1, og er Girona nú með 6 stig eftir 8 umferðir, á meðan Valencia situr með 8 stig.
Í öðrum leik dagsins tapaði Real Oviedo nýliðaslagnum á heimavelli gegn Levante, þar sem mikið var um færi, en lokatölur urðu 0-2. Levante verðskuldaði sigurinn, en heimamenn í Oviedo voru óheppnir að skora ekki. Oviedo er nú með 6 stig eftir 8 umferðir, sama fjölda stiganna og Girona, en Levante er með 8 stig, í næsta sæti.
Að lokum sigraði Athletic Bilbao Mallorca eftir að Inaki Williams skoraði snemma leiks úr víti. Athletic var sterkara liðið í fyrri hálfleik en náði ekki að tvöfalda forystuna. Siðari hálfleikurinn var jafn, þar sem lítið var um færi, en Mallorca náði að jafna metin á 77. mínútu. Alejandro Rego skoraði síðan sigurmarkið fimm mínútum síðar, og lokatölur leiksins urðu 2-1. Þetta er kærkominn sigur fyrir Athletic, sem hafði ekki unnið í síðustu fjórum deildarleikjum. Liðið er nú með 13 stig, á meðan Mallorca situr á botnnum deildarinnar með 5 stig.
