Enska landsliðsmaðurinn Jordan Henderson hefur lýst því að honum hafi liðið eins og eftir sambandsslit þegar hann yfirgaf Liverpool árið 2023 til að ganga til liðs við Al-Ettifaq í Sádi-Arabíu.
Henderson var fyrirliði Liverpool frá árinu 2015, þegar Steven Gerrard yfirgaf félagið. Á sínum tíma náði hann að vinna úrvalsdeildina, enska bikarinn og Meistaradeildina með liðinu. „Þetta var eins og sambandsslit, þetta var erfitt. Ef þú spyrð flesta leikmenn sem yfirgefa félög þar sem þeir hafa verið lengi, þá tel ég að það sé erfiðasti tíminn,“ sagði Henderson.
Henderson var ekki í leikmannahópnum hjá enska landsliðinu á EM í fyrra, en hann telur að skrefið til Sádi-Arabíu hafi ekki verið orsök þess. Hann var þó mikið gagnrýndur fyrir að fara til þessa lands. „Ég var í öllum landsliðsverkefnum í aðdraganda EM svo ég tel að það sé ekki ástæðan. Eftir á að hyggja hefði ég kannski tekið aðra ákvörðun. Á þeim tíma leið mér svona og ég tók þessa ákvörðun af mörgum ástæðum og ég er sá eini sem veit af hverju. Ég hef reynt að gera það rétta í stöðunni,“ sagði Henderson enn fremur.
Hann var aðeins í hálft ár hjá Al-Ettifaq áður en hann skrifaði undir við Ajax í kjölfarið. Eftir það gekk hann til liðs við Brentford í sumar.
