Jerome Boateng hefur ákveðið að halda áfram í fótboltanum, þrátt fyrir að hafa lagt skóna á hilluna. Hann mun hefja starfsþjálfun hjá Bayern Munchen, þar sem hann mun læra af Vincent Kompany.
Boateng, sem lék síðast með LASK Linz í Austurríki, á að baki stóran feril hjá Bayern, þar sem hann lék 364 leiki á 10 árum. „Ég mun snúa aftur til Bayern á næstunni þar sem ég fæ að læra af Vincent Kompany. Ég er búinn að ræða við hann um málið,“ sagði Boateng.
Hann hefur fengið leyfi til að fara í starfsþjálfun hjá Bayern og hlakkar mikið til að byrja. „Við þurfum bara að finna rétta tímsetningu,“ bætti hann við.
Engu að síður eru ekki allir í München hressir með þessa endurkomu Boateng. Það hafa komið fram harðvítug mótmæli gegn þeirri ákvörðun, þar sem fyrrum miðvörður þýska landsliðsins hefur verið ásakaður um ofbeldi gegn fyrrverandi kærustum sínum. Ein þeirra framdi sjálfsvíg árið 2021, sem hefur aukið á mótmælin.
