Birkir Karl Sigurðsson og Leifur Þorsteinsson, þáttastjórnendur hlaðvarpsins Chess After Dark, voru gestir Helga Fannars Sigurðssonar í Íþróttavikunni á 433.is. Leifur, sem er greinilega mikill stuðningsmaður KR, lýsir áhyggjum sínum af því að lið hans gæti fallið úr efstu deild ef það nær ekki að sigra í síðustu tveimur leikjum Íslandsmeistarakeppninnar.
„Maður hefur alist upp við að fylgjast með stærsta félagi landsins, en nú horfir fall við manni í fyrsta skipti. Það eina sem vinnur með okkur í dag er sagan. Sagan, að hafa aldrei fallið, er haldreipið okkar, en það titrar,“ segir Leifur.
Hann bætir við að þetta eigi ekki að koma mönnum á óvart. „Það var alltaf hætta á því að við gætum fallið, við verðum að taka því eins og menn. Við erum á vegferð, þó það væri vissulega leiðinlegt fyrir söguna.“ Á þessum tímapunkti tók Birkir til máls og sagði: „Leifur, það var enginn að tala um að þið gætuð fallið. Leifur, ekki reyna þetta. Það er af sem áður var. Ef KR fellur, þá yrði það mesta hryðjuverk sem hefur átt sér stað í íslenskum fótbolta, allavega frá því við fæddumst.“
Leifur viðurkennir að hann sé ekki bjartsýnn á að KR haldi sínu sæti, en liðið á eftir að mæta ÍBV og Vestra. „Ég er ekki bjartsýnn, þetta eru erfiðir leikir sem við eigum eftir,“ segir hann.
Þátturinn í heild er í spilaranum.
