Magni Fannberg hefur hætt störfum hjá sænska knattspyrnufélaginu IFK Norrköping eftir að hafa starfað þar í rétt rúmlega eitt ár sem yfirmaður fótboltamála. Félagið staðfesti þessa ákvörðun og lýsti henni sem sameiginlegri niðurstöðu milli Magna og stjórnar félagsins.
Magni, sem er 45 ára gamall, á að baki umfangsmikla reynslu, þar á meðal starfaði hann hjá Brommapojkarna, Brann, AIK og Start. Auk þess hefur hann verið í þjálfarateymi íslenska karlalandsliðsins og unnið með fjölmörgum félögum á Íslandi.
„Ég er mjög stoltur af því sem við höfum afrekað við erfiðar aðstæður hérna. Ég er viss um að félagið og einstaklingarnir innan þess séu núna betur í stakk búnir fyrir næstu áskoranir,“ sagði Magni í tilkynningu. Hann tók við starfinu á erfðum tímum fyrir Norrköping, þar sem meginmarkmiðið var að hjálpa til við að laga efnahag félagsins.
Í dag er IFK Norrköping í neðri hluta sænsku deildarinnar, sjö stigum ofar fallsæti. Meðal leikmanna félagsins eru þeir Arnór Ingvi Traustason, Ísak Andri Sigurgeirsson og Jónatan Guðni Arnarsson.
Félagið greindi einnig frá ákvörðun sinni á Twitter og bauð Magna velfarnað í framtíðinni.
