Rio Ferdinand hefur veitt þremur leikmönnum Manchester United sérstaka viðurkenningu eftir að liðið hefur tryggt sér fimm leiki í röð án taps. Þeir hafa lyft liðinu upp í 7. sæti úvalsdeildarinnar.
Ferdinand bendir á að erfitt sé að tilgreina einn lykilmann, þar sem fleiri leikmenn hafi stigið fram á síðustu vikum. „Matthijs De Ligt hefur verið besti varnarmaður okkar á tímabilinu,“ sagði hann í hlaðvarpinu „Rio Ferdinand Presents“. „Hann bætir jafnvel við mörkum, eins og gegn Tottenham um daginn. Hann pressar vel, er ákveðinn og hreinsar teiginn frábærlega.“
Auk De Ligt hrósaði Ferdinand Bryan Mbeumo, sem kom frá Brentford í sumar fyrir 65 milljónir punda. „Mbeumo hefur verið frábær. Hann heldur boltanum, skorar mikilvæg mörk og skapar færi. Ef hann heldur þessu áfram verður hann einn fullkomnasti kantmaður deildarinnar,“ sagði Ferdinand.
Ferdinand nefndi einnig markvörðinn Senne Lammens, sem tók stöðu af Altay Bayindir og hefur verið í byrjunarliði síðan. Lammens kom frá Royal Antwerp fyrir 21,7 milljónir punda. „Þú getur ekki talað um mikilvæga leikmenn án þess að nefna markvörðinn,“ sagði Ferdinand. „Það er engin tilviljun að formið batnaði þegar við fengum markmann sem leikmennirnir treysta.“
