Viktor Bjarki Daðason er meðal leikmanna FC Kaupmannahafnar sem mætir Dortmund í Meistaradeildinni annað kvöld. Viktor, sem aðeins er 17 ára, kom til FCK frá Fram í fyrra og hóf feril sinn í akademíu félagsins.
Hann hefur unnið sig hratt upp í liðinu, verið valinn í hóp í undanfarandi leikjum og spilaði seinni hálfleik í 3-1 tapi gegn Silkeborg í dönsku úrvalsdeildinni á föstudag. Nú hefur Viktor verið valinn í Meistaradeildarhóp í fyrsta sinn, og það gegn stórliði Dortmund, en leikurinn fer fram á Parken.
Viktor er ekki eini Íslendingurinn í hópnum, þar sem markvörðurinn Rúnar Alex Rúnarsson er einnig á mála hjá FCK.
