Yoane Wissa mun vera frá keppni í lengri tíma en áður var áætlað, samkvæmt upplýsingum frá Sky Sports og Fabrizio Romano. Newcastle United hafði vonast til að fá leikmanninn aftur strax eftir landsleikjahléið í október, en þetta verður ekki raunin.
Upprunalega var áætlað að Wissa væri frá í fjórar vikur, en nú hefur tímabilið aukist um fjórar vikur. Það þýðir að ekki er búist við að hann snúi aftur á fótboltavöllinn fyrr en um miðjan nóvember.
Wissa var keyptur frá Brentford á lokadögum sumargluggans, en leikmaðurinn hefur ekki enn spilað sinn fyrsta leik fyrir félagið vegna meiðslanna. Hann er á meiðslalistanum ásamt Tino Livramento, sem mun einnig vera frá keppni næstu tvo mánuði.
Á öðrum nótum, eru góðar fréttir fyrir Newcastle að Jacob Ramsey gæti snúið aftur á völlinn eftir meiðsli þegar liðið mætir Nottingham Forest á morgun.
