Í morgun komu þeir Sigurður Sveinsson og Enes Jaupllari í röðina hjá Dekkjahúsinu í Kópavogi. Þegar blaðamaður náði tali af þeim höfðu þeir beðið í þrjá tíma og áætlaði að þurfa að bíða í aðra tvo tíma. Þeir nýttu þó biðina vel og aðstoðuðu aðra sem lentu í erfiðleikum í umferðinni í kringum staðinn.
„Ég er búinn að bíða síðan 7:30,“ sagði Sigurður, á meðan Enes sagði að hann hefði mætt klukkan 8:30. „Ég sá fréttirnar í gær og hélt að sjö væri nógu snemma, en það var ekki nógu snemma,“ sagði Sigurður og hló.
Enes, sem keyrir leigubíl, tók eftir því að snjór var byrjaður að falla þegar hann var að klára aksturinn í gær. Því var ekkert annað í stöðunni en að koma sér strax í röðina um morguninn. Báðir eru þeir á fjórhjóladrifnum bílum og sögðu að það hefði ekki verið vandamál að komast að dekkjaverkstæðinu.
Þeir spáðu um að biðin myndi vara í tvær klukkustundir í viðbót, en sögðu að það væri í góðu lagi. Bakarið er rétt hjá, þannig að þeir geta fengið sér kaffi og mat á meðan þeir bíða. Þeir sögðu einnig að þeir hefðu látið blóðið renna til skyldunnar og hjálpað öðrum við að stjórna umferðinni.
„Þetta fór allt í rugl hérna, fólk að spóla upp brekkuna, þannig að ég hef verið að ýta bílum og stjórna umferð,“ sagði Sigurður. „Þetta er samfélagsleg eigingirni að hjálpa öðrum svo maður komist sjálfur áfram,“ bætti hann við, en hlóð smá í viðtalið.
