Breskum hjónum á áttræðisaldri, þeim Barbie og Peter Reynolds, var sleppt úr haldi Talibanastjórnarinnar í Afganistan. Þau höfðu verið í öryggisfangelsi síðan í febrúar, án þess að hafa verið ákærð. Hjónin hafa búið í Afganistan í tvo áratugi og rekið þar skóla fyrir ungmenni.
Ástæða handtökunnar var bann Talibana við menntun kvenna, þó þau hafi haft tilskilin leyfi fyrir námskeiðahaldinu sínu. Peter Reynolds er áttræður en eiginkona hans, Barbie, er 76 ára. Samkvæmt heimildum Metro var Peter hlekkjaður og barinn í fangelsinu, en Barbie fékk aðeins eina máltíð á dag.
Hjónunum var sleppt að fyrir milligöngu stjórnvalda í Katar, og var flogið frá Kabúl í Afganistan til Doha, höfuðborgar Katar. Þau lýsa sig mjög þakklát fyrir frelsunina og vilja helst snúa aftur til Afganistan til að halda skólastarfi sínu áfram.
