Sænski vefmiðillinn Samnytt greinir frá því að rúmlega fertugur Íslendingur hafi verið ákærður, ásamt tveimur öðrum, fyrir morð sem átti sér stað í Stokkhólmi í október á síðasta ári. Mbl.is hefur einnig vakið athygli á málinu. Aðrir sænskir miðlar hafa fjallað um málið, en Samnytt er sá eini sem nefnir að um Íslending sé að ræða.
Hin myrta var 63 ára gömul og var móðir manns sem tengdist undirheimum Stokkhólms. Morðið er talið hafa verið liður í hefndaraðgerð. Samnytt skýrir að lögregla hafi í sínu fórum samtal sem sýni að aðili, sem ekki hefur verið greindur, hafi haft samband við meinta Íslendinginn til að fá hann til að myrða konuna. Úr samskiptunum má einnig ráða að hin myrta hafi ekki verið eina fórnarlambið.
Þrír einstaklingar hafa verið ákærðir í tengslum við málið, þar á meðal hinn meinti Íslendingur sem er sagður vera 41 árs gamall. Samnytt birti mynd af honum í læstri áskriftargrein og greinir frá því að hann hafi játað á sig verknaðinn og lýst yfir eftirsjá á samfélagsmiðlum.
