Í gær sprakk olíuflutningabíll í Iztapalapa-héraði í Mexíkóborg, þar sem átta létust og 94 slösuðust. Slysið virðist tengjast hraðakstri, samkvæmt yfirvöldum.
Clara Brugada, borgarstjóri Mexíkóborgar, greindi frá því að 22 slasaðir, þar á meðal ökumaður bílsins, væru á sjúkrahúsi með alvarlega áverka. Margir þeirra sem slösuðust hafa þegar fengið útskrift.
Í kjölfar sprengingarinnar, sem átti sér stað þegar olíuflutningabíllinn, sem flutti nær 50 þúsund lítra af eldsneyti, valt, urðu skemmdir á fjölda ökutækja. Eldurinn breiddist hratt út og hundruð björgunaraðila tóku þátt í aðgerðum á vettvangi.
Nokkrir slasaðir voru fluttir á sjúkrahús með þyrlu. Borgarstjórinn hefur boðist til að veita slösuðum fjárhagsaðstoð og greiða fyrir útfarir þeirra sem hafa látið lífið.
Samkvæmt bráðabirgðaupplýsingum hjá yfirvöldum í Mexíkó benda vísbendingar til þess að rekstrarleyfi og tryggingar, sem nauðsynlegar eru fyrir flutning á gasinu, hafi ekki verið gildar. Flutningafyrirtækið hefur hins vegar neitað þessum ásökunum.
