Tvær íslenskar listakonur eru nú á forsíðu nýjasta tölublaðs Vogue Scandinavia. Söngkonan Laufey prýðir forsíðuna og deilir í ítarlegu viðtali um sinn feril. Innan blaðsins má einnig finna umfjöllun um Helenu Margret Jónsdóttir, myndlistarkonu sem hefur vakið athygli fyrir óhugnanlega falleg verk sín af blómum.
Í grein með titlinum „The Unnerving Artist“ er verkum Helenu lýst sem dýrmætum og draumkenndum. Blóm, eins og liljur og túlípanar, eru áberandi í verkum hennar, en við nánari skoðun má sjá óvænt og jafnvel ógnvekjandi element. Helena tengir þetta samspil fegurðar og óhugnaðar við eigin ótta, þar á meðal við köngulær, sem hún notar sem myndefni.
Myndir sem teknar eru af ljósmyndaranum Sóllilju Tinds sýna listakonuna við vinnu sína, umkringda penslum, blómum og olíulitum. Þar má meðal annars sjá máverkið „Deflated“, sem virðist við fyrstu sýn vera af svörtum túlípanum.
Að sjá tvær íslenskar konur í sama tölublaði eins virtasta tískublaðs heimsins er áþreifanlegur áfangi. Á meðan Laufey söngur sig inn í hjörtu fólks um heim allan, sýnir Helena Margret listfengi sitt og hefur vakið verðskuldaða athygli fyrir sitt einstaka sjónarhorn.
